Yadoon ka jhoonka aya Hum se milnay barsoon baad
Pehlay itna roye nahi thay, jitna roye barsoon bad

Lamha lamha ghar ujra hai, mushkil se ihsas huwa
Pather aye barsoon pehlay, sheeshay tootay barsoon bad

Aaj hamary khak pe duniya ronay dhonay bethy hai
Phool hoye hain itnay sastay janne kitnay barsoon bad

bhool bhi jaoo, kis ne torda, kaisay torda aur kion ker torda
Dhoond rahay ho ghalioon main kiya,Dil ke tukray barsoon bad

Dastak ki umeed laga ker kab tuk yoon hi Aas main jeetay
Kal ka Wada kernay wala, Milnay aya barsoon bad